नो युवर फिश (KYF) हा एक स्वयंसेवी उपक्रम आहे जो समुद्री परिसंस्थेला अनुकूल अशा जीवनशैलीच्या प्रसारासाठी कार्यरत आहे. आम्ही मासे खाणाऱ्या खवैय्यांना जबाबदारीने मासे खाण्यासाठी सक्षम करतो आणि अशी जीवनशैली आत्मसात करण्यासाठी उद्युक्त करतो. जबाब्दारीपूर्वक मासे खाण्याची सर्व आवश्यक माहिती मिळविण्यासाठी  आम्ही अनेक दशकांच्या सागरी  संशोधन संकलित केले आहे . 

अतिरिक्त मच्छिमारीच्या समस्येचे निराकरण करण्यासाठी अनेकआघाड्यांवरून प्रयत्न आवश्यक आहेत. या सर्व प्रयत्नांमध्ये KYF सारख्या उपक्रमाला सुद्धा विशेष  स्थान आहे. असे उपक्रम लोकांना सागरी परिसंस्थेबद्दल संवेदनशील बनवू शकतात, सागरी परिसंस्थेसाठी संवेदनशील असा समाज घटक तयार करू शकतात आणि जर बहुसंख्य मासे खाणाऱ्यांनी अशा उपक्रमांचे पालन केले तर ते माशांच्या मागणीवर सुद्धा योग्य परिणाम करू शकतात. तरीही मच्छिमारीच्या धोरणांमध्ये योग्य बदल करणे, , नियमावली तयार करणे, तंत्रज्ञानात बदल करणे आणि सामाजिक समस्या सोडविणे यांसारखे थेट प्रयत्न होणेही तेवढेच महत्वाचे आहेत.  KYF सारखे उपक्रम अशा थेट प्रयत्नांना पर्याय ठरू शकत नाहीत.