ನಾವಿದನ್ನು ಇನ್ನಷ್ಟು ಅರ್ಥ ಮಾಡಿಕೊಳ್ಳಲು , ಮೊದಲು ಮೀನುಗಾರಿಕೆಯ ಚರಿತ್ರೆಯನ್ನು ತಿಳಿದುಕೊಳ್ಳಬೇಕು .

 

ಭಾರತದ ಸ್ವಾತಂತ್ರ್ಯದ ನಂತರ ಮೀನುಗಾರಿಕೆಯನ್ನು ಆಹಾರ ಭದ್ರತೆ, ಉದ್ಯೋಗ  ಮತ್ತು ಆರ್ಥಿಕತೆಯ ಮುಖ್ಯ ಆಧಾರದಲ್ಲಿ ಒಂದಾಗಿ ನೋಡಲಾಯಿತು. ಹಾಗಾಗಿ ಸರಕಾರಗಳು ಕೂಡಾ ಮೀನುಗಾರಿಕೆಯನ್ನು ಉದ್ಯೋಗವಾಗಿ ಆರಿಸಿಕೊಳ್ಳಲು ಪ್ರೋತ್ಸಾಹಿಸಿತು. ಮೀನುಗಾರಿಕಾ ದೋಣಿ, ಮೀನುಗಾರಿಕೆಗೆ ಬೇಕಾದ ಇಂಧನ ಇತ್ಯಾದಿಗಳಿಗೆ ಸರಕಾರಗಳೇ ಸಹಾಯ ಧನವನ್ನೂ  ಕೊಡಲಾರಂಭಿಸಿತು. ಮೀನುಗಾರಿಕೆಯನ್ನು ಉತ್ತೇಜಿಸಲು , ಅಪಾಯಕಾರಿ ಮೀನುಗಾರಿಕಾ ತಂತ್ರವಾದ ಟ್ರಾವ್ಲಿಂಗ್  ಅನ್ನು ಪರಿಚಯಿಸಿದ್ದೂ ಅಲ್ಲದೆ, ಅದಕ್ಕೆ ಪ್ರೋತ್ರಾಹ ಧನವನ್ನೂ  ನೀಡಲಾಯಿತು.

 

1990 ರ ಹೊತ್ತಿಗೆ ಸಮುದ್ರದ ಮೀನುಗಾರಿಕೆಯ ಬೆಳವಣಿಗೆ ಕುಂಠಿತವಾಯಿತು ಮತ್ತು ಮೀನುಗಾರಿಕೆಯಿಂದ ನಷ್ಟವಾಗುತ್ತಿತ್ತು. ಮೀನುಗಾರು ಸಹಾಯಧನದಿಂದಾಗಿಯೇ ಜೀವನ ಸಾಗಿಸುತ್ತಿದ್ದರು.  ಅಂದಾಜು ನಾಲ್ಕು ಮಿಲಿಯ ಮೀನುಗಾರಿರಿಗೆ( National policy for Marine Fisheries 2017) ಅವರೇ ಹಿಡಿಯುವ ಮೀನುಗಳ ಪ್ರಮಾಣದಿಂದ ಜೀವನ ಸಾಗಿಸಲು ಸಾಧ್ಯವಾಗುವುದಿಲ್ಲ . ಮೀನುಗಾರಿಕೆಯಿಂದ ಭಾರೀ  ಪ್ರಮಾಣದಲ್ಲಿ ಹಣವೂ  ಉತ್ಪಾದನೆಯಾಗುತ್ತಿಲ್ಲ.

 ಮೀನುಗಾರಿಕೆಯನ್ನೇ ನೆಚ್ಚಿಕೊಂಡಿರುವ ಕರಾವಳಿಯ ಮೀನುಗಾರರಿಗೆ, ಮೀನು ಹಿಡಿಯುವುದನ್ನೇ ನಿಲ್ಲಿಸಿ ಎಂದು ಹೇಳಲು ಸಾಧ್ಯವಿಲ್ಲ. ಆದರೆ ಮೀನುಗಾರರಿಗೆ ಯಾವ ಮೀನನ್ನು, ಯಾವ ಬಲೆಯನ್ನು  ಉಪಯೋಗಿಸಿ ಹಿಡಿದರೆ, ಅದಕ್ಕೆ ಮಾರುಕಟ್ಟೆಯಲ್ಲಿ ಬೇಡಿಕೆ ಮತ್ತು ಬೆಲೆ ಇದೆ ಎಂದು ತಿಳಿಸಬಹುದು.

 

ಮಾರುಕಟ್ಟೆಯಲ್ಲಿ ಅನೇಕ ಬಲೆಗಳು  ಲಭ್ಯವಿದ್ದು , ಒಂದೊಂದು ಮಾದರಿಯ ಬಲೆಗಳೂ  ಒಂದೊಂದು ಗಾತ್ರದ ಮೀನನ್ನು ಹಿಡಿಯಬಲ್ಲುದು. ಗ್ರಾಹಕರಾದ ನಾವು  ಮೀನುಗಳ ಸಂತಾನೋತ್ಪತ್ತಿ ಸಮಯವನ್ನು ಅರಿತು, ಮೀನುಗಾರರಿಗೆ ಯಾವ ಸಮಯದಲ್ಲಿ ಯಾವ ಬಲೆಗಳನ್ನು  ಉಪಯೋಗಿಸಿದರೆ ಉತ್ತಮ ಎಂದು ಸಲಹೆ ಕೊಡಬಹುದು. ಹಾಗೆಂದು ಪದೇ ಪದೇ ನಾವುಗಳು ಸಲಹೆಗಳನ್ನೇ ಕೊಡುತ್ತಾ ಹೋದರೆ, ಮೀನುಗಾರರಿಗೆ ನಮ್ಮ ಸಲಹೆಗಳೇ ರಗಳೆಯಾಗಬಹುದು.  ನಮ್ಮ ಸಲಹೆಗಳು, ಅವರಿಗೆ ಆರ್ಥಿಕವಾಗಿ ಲಾಭದಾಯಕವಾಗಿ ಕೂಡಾ ಇರಬೇಕು.

 

ಹಾಗಾದರೆ  ನಾವು ಯಾರಿಗೆ ಮನವರಿಕೆ ಮಾಡಿಸಬೇಕು?

 

ಮೀನುಗಾರಿಕಾ ಇಲಾಖೆ ಮತ್ತು ನಿರ್ವಾಹಕರು - ಸಹಾಯಧನದ ಮೂಲಕ ಸಮುದ್ರಕ್ಕೆ  ಆಗುತ್ತಿರುವ ಕೆಲವು ಅಪಾಯಗಳನ್ನು ಕಮ್ಮಿ ಮಾಡುವುದು.

ಈ ವಿಷಯದ ಕುರಿತು “ ನಿಮ್ಮ ಮೀನಿನ ಕುರಿತು ತಿಳಿದುಕೊಳ್ಳಿ “ ತಂಡದ ಸದಸ್ಯರು ಕೆಲಸದಲ್ಲಿ ನಿರತರಾಗಿದ್ದಾರೆ.

ಸಮುದ್ರ ಮೀನುಗಳ ಗ್ರಾಹಕರು  - ಇವರುಗಳು ತಮ್ಮ ಇಚ್ಛೆಯನ್ನು ವ್ಯಕ್ತಪಡಿಸಬಹುದು ಮತ್ತು ಮೀನುಗಾರರಿಗೆ ತಮಗೇನು ಬೇಕು ಎಂಬ ಬೇಡಿಕೆಯನ್ನು ಸಲ್ಲಿಸಿ ಅಗತ್ಯ ಮೀನುಗಳನ್ನು ಮಾತ್ರ ಹಿಡಿಯುವಂತೆ ಮಾಡಬಹುದು.

 

ನಿಮ್ಮ ಮೀನುಗಳ ಕುರಿತು ತಿಳಿದುಕೊಳ್ಳಿ ಎಂಬ ಶಿಫಾರಸ್ಸು ನಮ್ಮ ಆಯ್ಕೆಗೆ ಇರಕಬೇಕಾದ ಸೂಕ್ಷ್ಮತೆಗಳನ್ನು ಅರಿತು ಮಾಡಲಾಗಿದೆ.  ನೀವು ನಮ್ಮ ಶಿಫಾರಸ್ಸುಗಳನ್ನು  ನಮ್ಮ ಕ್ಯಾಲೆಂಡರಗಳಲ್ಲಿ ಓದಬಹುದು.