ನಮ್ಮ ಮೀನಿನ ಅತಿಯಾದ ಬೇಡಿಕೆಯೇ , ಅತಿಯಾದ ಮೀನುಗಾರಿಕೆಗೆ ಕಾರಣ.

 

ಭಾರತದಲ್ಲಿ ಶ್ರಾವಣ ಮಾಸ ಅಥವಾ ಗಣಪತಿ ಹಬ್ಬದ ಸಮಯವನ್ನೇ ಗಮನಿಸಿ (ಆಗಸ್ಟ್ - ಸೆಪ್ಟೆಂಬರ ). ಈ ತಿಂಗಳುಗಳು ಪವಿತ್ರ ಎಂಬ ಭಾವನೆ ಇದ್ದು  ಅನೇಕರು ಈ ಸಮಯದಲ್ಲಿ ಮೀನನ್ನು ತಿನ್ನಲು ಇಚ್ಛಿಸುವುದಿಲ್ಲ. ಹಾಗಾಗಿ ಮೀನುಗಾರರೂ  ಕೂಡ ಈ ಸಮಯದಲ್ಲಿ ಹೆಚ್ಚಿಗೆ ಸಮುದ್ರಕ್ಕೆ ಹೋಗುವುದಿಲ್ಲ.

 

ಅದೇ ರೀತಿ, ಕ್ರಿಸ್ಮಸ್ ಮತ್ತು ಹೊಸ ವರ್ಷದ ಆಚರಣೆಯ ಸಮಯದಲ್ಲಿ ಮೀನುಗಳಿಗೆ ಅತಿಯಾದ ಬೇಡಿಕೆ ಇರುತ್ತದೆ. ಇಂಥಾ ಸಮಯದಲ್ಲಿ ಮೀನುಗಾರರು ಕೂಡಾ ಬೇಡಿಕೆಗೆ ಅನುಸಾರವಾಗಿ ಹೆಚ್ಚಿಗೆ ಮೀನುಗಳನ್ನು ಹಿಡಿಯುತ್ತಾರೆ. ಈ ಎರಡೂ  ಉದಾಹರಣೆಗಳು ನಮ್ಮ ಬೇಡಿಕೆಗಳು ಹೇಗೆ ಮೀನಿನ ಬೇಟೆಯ ಮೇಲೆ ಪರಿಣಾಮ ಬೀರುತ್ತದೆ ಎಂದು ತಿಳಿಸುತ್ತದೆ.