ನಿಮ್ಮ ಮೀನಿನ ಬಗೆಗೆ ತಿಳಿದುಕೊಳ್ಳಿ  ಎಂಬ ಶಿಫಾರಸ್ಸು, ಸಮುದ್ರ ಮೀನುಗಳ ಗ್ರಾಹಕರ ಅನುಕೂಲಕ್ಕಾಗಿಯೇ ಮಾಡಲಾಗಿದೆ. ಯಾವಾಗ ಆ ಮೀನನ್ನು ತಿಂದರೆ ಸಮುದ್ರದ ಪಾರಿಸಾರಿಕ ವ್ಯವಸ್ಥೆಗೆ  ಅಷ್ಟಾಗಿ ಧಕ್ಕೆಯಾಗುವುದಿಲ್ಲ ಎಂಬುವುದನ್ನು ಗಮನಿಸಿಯೇ ಮಾಡಿದ್ದೇವೆ. ಸಮುದ್ರದ ಪರಿಸರ, ಮೀನು ಮತ್ತು ಮೃದ್ವಂಗಿಗಳ ಜೀವನ ಚಕ್ರ ಮತ್ತು ಕರಾವಳಿಯಲ್ಲಿ ಯಾವಾಗ ಅತಿಯಾದ ಮೀನುಗಾರಿಕೆಯಾಗುತ್ತದೆ ಎಂಬುವುದನ್ನು ಅಧ್ಯಯನ ಮಾಡಿಯೇ ನಾವು ನಮ್ಮ ಶಿಫಾರಸ್ಸು ಪಟ್ಟಿಯನ್ನು ಮಾಡಿದ್ದೇವೆ.